今屆賽事未完，仲有得改。
(©AFP)
【Now Sports】對蘇格蘭踢成0:0，其實和波都當輸，因為外界睇好英格蘭，咬唔入對手就係失敗，就係呢場波結果，但唔代表今屆賽事玩完，仲有得改。
蘇格蘭最擅長左路進攻，有羅拔臣，同復出嘅迪恩尼，速度上確係唔輸蝕，但係咪牢不可破？筆者唔覺得蘇格蘭上半場守得住，只因三獅軍團冇好好把握對手未站穩陣腳良機。迪恩尼今仗先係今屆賽事首次落場，麥湯文尼移至三中堅位置，兩點都需要時間適應，如果英格蘭初段肯多走動入楔，理應破門機會陸續有來先啱；偏偏上半場就只有史東斯角球頂中柱先係最近磅。
到咗下半場蘇格蘭仲會驚你？更何況你三獅兵運轉速率都冇變過。
我明白現今足球防守好緊要，只不過教練指示踢得穩陣啲，唔代表只係踢禁區外足球，唔夠放，最後想變都太遲。英傳媒賽後批評哈利簡利冇態，敢問隊友又有冇積極製造過埋門機會畀佢？只可以講呢種踢法真係犧牲咗佢，一位射手唔通只剩返消磨守衛體力嘅價值，我覺得唔係咁用囉！
撰文：員A
做體育傳媒時咩位置都做過，做網店店長都係一腳踢