呢兩位仁兄，今屆可能大有作為。
(©AFP)
【Now Sports】好開心可以再次喺sports.now.com撰稿，自己經歷19年嘅《蘋果日報》體育組生涯，亦都去過荷蘭、比利時同葡萄牙現場採訪過歐國盃，所以對呢個歐洲賽事總有一份感情。近年開設網店賣NBA同足球用品，過著另一種生活，但始終離唔開足球同籃球，總會睇波上facebook緊貼世界。英超屬於香港人最鍾意睇嘅聯賽，英格蘭代表隊自然亦有唔少港人追捧。筆者入行廿年，每逢大賽總會有球迷熱捧英格蘭有機會捧盃，可惜次次失望。不過，今屆歐國盃，筆者都要跟大圍改觀吓。
英超強隊起用球員生態改變，的確令到本土球員更重要，而球隊踢法緊貼現代化，使到一向甚少出產技術型中場球員嘅英格蘭，誕生咗曼治、霍頓同加利殊呢類後起之秀。如果領隊修夫基喺今屆歐國盃重用這個中場組合，配合不同類型前鋒，必定可走得更遠。
喺今屆歐聯決賽，球迷睇到干堤嘅全場覆蓋率，以及萬治一腳妙傳畀哈伐斯奠勝，就成歐洲霸者。英格蘭雖然冇好似干堤般嘅防中，但曼治、霍頓、加利殊，甚至前線嘅華舒福，冒起中嘅薩卡，都係突破密集好手，傳送、走位，埋門皆具級數；而邊線翼衛好手雲集，就算冇咗阿歷山大阿奴，但選擇仍多，令到進攻更立體化。
唯一擔心嘅，係門將碧福特水準穩定性，會係唯一隱憂。
撰文：員A
做體育傳媒時咩位置都做過，做網店店長都係一腳踢
【歐國盃D組】英格蘭VS克羅地亞
Now TV 618台13/06 21:00直播
Now TV 616台4K直播
Now E 同步直播