紅魔主場煞科。
(©AFP)
【Now Sports】周二英超，紅魔曼聯在今季主場最後一戰，雖由卡雲尼妙射笠入領先，但下半場被篤定降班的富咸追平，無緣以勝利拉下主場帷幕。
紅魔派是役派出卡雲尼（Edinson Cavani）和美臣格連活掛帥，其餘正選有般奴費蘭迪斯、普巴、費特和麥湯文尼等。
開賽15分鐘，迪基亞大腳送前，富咸防線走漏眼，卡雲尼離門40碼笠入先開紀錄，紅魔頭威頭勢。
25分鐘，卡雲尼禁區頂橫傳，般奴費蘭迪斯勁射被撲出。37分鐘，卡華路單刀被迪基亞沒收，錯過了扳平機會，紅魔半場領先1:0。
下半場，紅魔遲遲未能拉開優勢，埋下失分伏筆。76分鐘，守將祖拜恩接應迪哥度華列特傳中，頭槌頂入，追成1:1平手，經過VAR審視後判定入球有效。
最終紅魔與富咸握手言和，連續3場不勝，賽後得71分，仍未鎖定亞軍位置。
同時間另一場，列斯聯作客修咸頓，下半場憑班福特和泰拿羅拔斯各入1球，淨勝2:0，賽後以56分暫時升上第8位。