哈利簡尼梅開二度。
(©AFP)
【Now Sports】本輪英超，熱刺於周五搶分登場，憑隊長哈利簡尼梅開二度，作客以2:2逼和愛華頓。
熱刺改踢3-5-2陣式，由哈利簡尼（Harry Kane）、孫興敏組成雙箭頭，當比利、梅沙施素高從後支援。愛華頓門將佐頓碧福特、防中阿倫傷癒回歸，射手卡法路雲繼續避戰，由列查利臣掛帥。
27分鐘， 中堅米高堅尼解圍傳中球不遠，簡尼把握機會射入，熱刺先開紀錄。4分鐘後，左翼衛域基朗在禁區攔跌攻中占士洛迪古斯，中場施格臣（Gylfi Sigurdsson）射入12碼，愛華頓追平1:1。
易邊後，熱刺加強攻勢，老孫開出角球，中堅艾達維特頂中柱。60分鐘，列查利臣接應過頭波射入，但明顯越位在先。雖然食詐糊，但施格臣在2分鐘後，接應後備兵施密斯高文的傳中球射入，拖肥反超前。
68分鐘，米高堅尼再度解圍犯錯，又是簡尼得益，第一時間射入，熱刺追平2:2完場。補時3分鐘，簡尼足踝受創，就算即將完場，領隊摩連奴仍不敢冒險，以攻中阿里入替，兩軍和氣收場。