阿古路射入12碼。
(©AFP)
【Now Sports】周六英超尾場，曼城憑史東斯、阿古路、加比爾捷西斯各建一功，大炒富咸3:0。
曼城改踢3-4-3陣式，而且把兩大射手阿古路（Sergio Aguero）、加比爾捷西斯同時放在正選，配合翼鋒費蘭托利斯，賓祖文文迪、簡些路出任左右翼衛。富咸由卡華里路、陸文、洛夫斯捷克爭取入球。
開賽後，藍月佔得絕對優勢，費蘭托利斯在18分鐘起腳，門將阿希奧拿救出。34分鐘，中場賓拿度施華擺脫對手後施射，又逃不過阿希奧拿。費蘭托利斯在完半場前接應長傳，以心口控予阿古路射門，阿希奧拿再度化解。
經過0:0的半場後，曼城在易邊後僅2分鐘便由中堅史東斯打破缺口。56分鐘，富咸守將解圍失敗，捷西斯扭過阿希奧拿後射入空門。4分鐘後，費蘭托利斯博得12碼，阿古路操刀射入，取得14個月來首個英超入球，曼城向富咸派出3蛋。