點樣形容古天奴呢？
(©AFP)
【Now Sports】巴塞隆拿等錢使，巴西球星古天奴很可能1月被放走，否則利物浦又會坐享其成。
巴塞隆拿由利物浦收購古天奴（Philippe Coutinho）時，條款列明只要上陣滿100場，便要多付2000萬歐元。連帶周二聯賽對華拉度列後備上陣，古天奴現時已為巴塞上陣91場，意味著只要再踢9場，紅軍便可收取這筆費用，但巴塞已經「莫財」，又怎會願意再支付額外費用？惟留下來也要「限住用」，大大增加1月出售的動機。
古天奴自2018年1月加盟巴塞，創下隊史轉會紀錄，但表現不似預期，今季上陣12場入3球，另有2個助攻。與其繼續把錢擲落鹹水海，不如留作購買其他新援。