雲尼素斯逼得邦奴擺烏龍。
(©AFP)
【Now Sports】皇家馬德里於周六西甲憑一記幸運烏龍球，作客以1:0險勝西維爾。
皇家馬德里由賓斯馬掛帥，配合2名巴西小將雲尼素斯（Vinicius）、洛迪高、防中卡斯美路重返正選。西維爾由艾哈達迪、奧甘保斯、盧克迪莊合組鋒線，門將邦奴擺脫傷患擔正。
皇馬閃電取得攻門，客串右閘的盧卡斯華斯基斯傳中，雲尼素斯伏兵近柱射斜。銀河艦隊在上半場控球較少，但攻門威脅較大，中場卻奧斯於禁區外射不中目標，賓斯馬之後起腳，邦奴反應快撲出。
55分鐘，皇馬打快速反擊，左閘費朗文迪傳中，雲尼素斯撞射，皮球省中出迎的邦奴入網，邦奴成為今季西甲第1位擺烏龍的門將。皇馬就憑這個入球，以1:0擊敗西維爾。