卡雲尼首度為曼聯披甲。
(©AFP)
【Now Sports】曼聯於周六英超Big 6大戰雖然有卡雲尼作地標戰，但在主場仍然顆粒無收，以0:0賽和車路士。
曼聯踢回4-2-3-1陣式，中堅哈利麥佳亞回歸，華舒福、丹尼爾占士、馬迪、般奴費蘭迪斯合組鋒線，新兵卡雲尼（Edinson Cavani）首度任後備。車路士車路士排出3-4-2-1陣式，迪姆雲拿掛帥，配合佩利錫、哈伐斯。
紅魔在控球比率不及藍戰士，但埋門較多。35分鐘，馬達妙傳，華舒福以速度突圍呈單刀之勢，勁射被門將伊度亞文迪用腳擋出。40分鐘，馬達左腳妙射下角，再次被文迪成功撲救。兩軍半場互無紀錄。
戰至58分鐘，曼聯換入中場普巴、射手卡雲尼，後者差點第一腳立即建功，可惜接應傳中射斜。兩軍的埋門質素都平平，華舒度完場前在禁區邊勁射，文迪再次輕鬆救出，最終以0:0和氣收場。
同日另一場英超，水晶宮憑後衛列迪禾、前鋒韋費特沙夏在上下半場士哥，作客以2:1擊敗富咸。