【Now Sports】籃球健將周健宏說得對,這次疫症在不少香港人眼中,荒謬得很。猶幸在獅子山下,還有你與我相隨同途,一齊捱。
「疫情下我通常自己喺健身室,或者自己跑步,有時亦會同一班friend一齊,班friend都係比較身體健康嘅,可能去打波,同埋做平時比賽時需要做嘅事。通常一星期6日做運動,每日一個朝早、一個晚上,同平時最大分別係依家冇咗一啲正規訓練,好講求自律性、注意飲食,因為平時練波多,根本唔係需要咁注意飲食,依家要做多啲自我調整。
今次疫症最大體會,係覺得好荒謬,就係有啲人唔守規矩,而應該做嘅亦都冇做,譬如冇自我隔離,或者身體唔健康唔應該出城。
希望大家好番晒,唔好再有人死亡、染病,同埋嚟緊銀牌聯賽可以快啲搞得成,亦有更多比賽搞畀中小學生或者大專運動員。
最緊要係香港人加油,真係唔會靠政府,一定靠自己啦,好多嘢我哋一齊捱落去,喺呢個時間共度時艱。獅子山下!」
周健宏(籃球)
【編按:sports.now.com一連數天請來幾位本地體壇精英親述最新訓練狀況之餘,與港人互勉,一同集氣共度時艱。】
明日人物預告:
王蘊妮
(速度滾軸溜冰)
相關文章:
【港將抗疫集氣】呂麗瑤:為飲杯靚咖啡感恩
https://sports.now.com/home/other/details?id=28925719814