無入球嘅打吡真係比較少見。
(©AFP)
【Now Sports-體育】西班牙國家因為地區情況不穩，由10月推遲到噚日正式上演。巴塞隆拿同皇家馬德里喺西甲同分咗幾個星期，所以呢場特別關鍵。
撰文：步力大熊
原來除咗分勝負之外，如果最後同分，西甲係睇對賽成績先再睇得失球。比賽非常精彩，雙方都有威脅嘅攻擊，特別一讚皇馬嘅傳球同中場連貫，比上兩次打吡有進步，而攔截同recovery都做得多咗，不過最後都係0:0，打和。施丹當然唔係太滿意，認為球隊控制咗戰局，球員值得凱旋而歸，但足球世界就係咁，佢哋要更有策略，更加要入波。
其實無入球嘅打吡真係比較少見，喺179 場西甲國家打吡，35場和局入面只有9場係0:0。兩隊上一次無入球已經係2002年11月23號， 即係巴西朗拿度（代表皇馬）同安歷基（代表巴塞）嘅年代。下場國家打吡將會喺2020年3月1日，喺皇馬主場班拿貝舉行，皇馬嘅夏沙特同馬些路屆時應該會回歸，解決到文迪今次左邊進攻有啲甩轆嘅問題，而夏神嘅扭波同過人技術，亦可以令進攻同射門更有突破。到時，左邊進攻將會更加有睇頭，分數同戰術會唔會更加緊湊？
當然，無基斯坦奴朗拿度嘅國家打吡，連美斯都承認係唔一樣，所以C朗都無讓西甲打吡專美，頂頭槌騰空時間同高度直接搶走今次無入球打吡嘅風頭。
撰文：步大力熊
要做一個理性球迷？不了，成為球迷本身就是一件不理性而且瘋狂的事。
本欄逢周二及周四上載
周二 歪花
周四 步大力熊/泰萊
email：ballthirteen@hotmail.com
歡迎瀏覽球十三fb專頁若得到波友一個like就是我們團隊的一大鼓舞：
www.facebook.com/ballthirteen