紅軍能否擋得住夏薩特？
(©AFP)
【Now Sports-體育】今周英超重頭戲，利物浦主場大戰車路士。兩軍近期都要應付歐洲賽，今仗排陣上微調在所難免。不過，雙方在聯賽都有明確目標，落場交手肯定相當緊湊。
撰文：曾偉忠｜Now足球評述員
紅軍在歐聯8強首回合主場繼續發威，以2球輕取波圖，各項比賽拿下6連勝，而且上仗取得久違的零失球，相信增添不少信心。傷癒復出的拿比基達近2戰獲委以正選隨即交到功課，連續2仗有士哥；而法明奴鬥熱刺及波圖都有進帳，腳風甚順；沙拿上輪聯賽亦終於取得入球，打破長達8場的入球荒！縱使文尼近3仗都無斬獲，惟威脅力絕對不能忽視。
那邊廂，歐霸盃8強首回合作客1:0小勝布拉格斯拉維亞的車路士，只得2天休息時間，球員體能將是一大考驗。領隊沙利刻意收起簡迪、夏薩特等主力，明顯是為「紅藍大戰」而留力！夏蕯特近2場聯賽省3粒，累積16個聯賽入球，而多以後備落場的羅夫度斯卓克，近2場聯賽皆正選上陣，並交出2入球、2助攻，狀態頗佳。
今季聯賽在晏菲路未逢敵手的利物浦以2分優勢暫居榜首，但較次席的曼城多賽1場，而「藍戰士」亦要為保住來季歐聯席位而戰，估計雙方今戰不會踢得太保守。然而，車路士作客戰績不算突出，而且出征Big 6的熱刺、阿仙奴及曼城全數落敗，紅軍今仗有望全取3分。
利物浦VS車路士
Now621台14/04 23:30直播