沙拿於晏菲路上陣35場轟入33球。
(©AFP)
【now.com體育】利物浦於周六英超憑穆罕默德沙拿開紀錄，加上沙迪奧文尼梅開二度，以4:1大勝作客的卡迪夫城。
利物浦繼有中場法賓奴泰華利斯、拉爾拉拿（Adam Lallana）擔正，前線為穆罕默德沙拿、羅拔圖法明奴、沙迪奧文尼。卡迪夫城有中場艾朗根拿臣傷癒復出，卡林柏達臣任單箭頭。
開賽僅10分鐘，紅軍就先開紀錄，文尼的射門被中堅桑摩利臣擋出，沙拿執雞成功，於晏菲路上陣35場轟入33球，認真犀利。沙拿其後改為鋪橋搭路，於右路傳中，中堅華基爾雲迪積克頂中柱，但利物浦半場仍領先1球。
下半場，卡城一度把皮球放入網，但被判詐糊；中場甘馬拉沙開出罰球，桑摩利臣在遠柱頭槌二傳，由隊友鏟入，但桑摩利臣越位在先。66分鐘，文尼接應傳送，雖被右閘伊古利文加破壞，但未有放棄下終於射入，助利物浦擴大紀錄。
卡城其後有卡林柏達臣破蛋，不過紅軍由文尼、後備上陣的翼鋒梳頓沙基利再入2球，湊成4:1大勝。