加比爾捷西斯建功。
(©AFP)
【now.com體育】巴西於周五友賽作客沙特阿拉伯，憑前鋒尼馬交出2記助攻，輕取2:0。
巴西強陣出擊，以尼馬、加比爾捷西斯（Gabriel Jesus）、菲臘比古天奴合組鋒線，中場有卡斯米路、費特洛迪古斯坐鎮，龍門則由艾達臣摩拉斯把守。
10分鐘，尼馬回後接應傳送，再盤球殺入禁區射門，省中古天奴後腳出界；尼馬2分鐘後再有機會，近門施射被門將艾奧華斯救出。戰至43分鐘，尼馬交出妙絕傳送，捷西斯輕鬆射入，巴西半場領先1:0。
巴西於半場換入翼鋒盧卡斯莫拉，這名熱刺兵只花了5分鐘就有機會；尼馬牽引3名敵將後傳入禁區，莫拉快射地波，艾奧華斯撲出。沙特在85分鐘有艾奧華斯在禁區外犯手球而被逐，人少打人多。
補時6分鐘，尼馬再次鋪橋搭路，開出靚角球予左閘阿歷斯辛祖頂入，巴西終以2:0擊敗沙特。