【now.com體育】上季英超神射手沙拿在周日的賽事又有進帳，協助利物浦大炒韋斯咸4球，不過賽後沙拿被拍到在駕車時做低頭族，就難免惹來抨擊。
從片段所見，穆罕默德沙拿（Mohamed Salah）駕著價值5萬鎊的平治SUV卻遇上塞車，小球迷野生捕獲沙拿，亦不顧馬路如虎口，隔著車窗向沙拿索取簽名。不過沙拿卻自顧自在玩手機，路面暢順後他向球迷豎起大拇指示好，再開車揚長而去。
現場似乎有人對沙拿未有向小球迷簽名大為不滿，喊道：「條友真係衰！人有錢就係咁！」而片段流出後，沙拿亦因違反交通規則而遭網民筆伐，「佢一路揸車一路用電話，肯定唔啱啦，仲要有班細路圍晌佢附近添！」
當然亦有人替沙拿講好說話，「佢晌馬路上面揸緊車，你想佢點？佢落車（同球迷簽名合照）嘅話，肯定會引起更大混亂。當然佢揸車用電話就一定唔啱。」
根據英國法例，司機在行車時使用電話，可被扣6分及罰款200鎊。