【now.com體育】熱刺右閘捷比亞今季表現搶鏡,出戰19場英超就錄得5次助攻,比車路士翼鋒夏薩特更多。
熱刺在周一英超主場以2:0輕取屈福特,正選披甲的捷比亞(Kieran Trippier)多番後上協助進攻,結果交出助攻予射手哈利卡尼射入奠定勝局的入球。
捷比亞在今季英超僅上陣19場,就錄得5次助攻,睇齊隊友翼鋒孫興民,同時比車路士中前場孖寶夏薩特、法比加斯,以及曼聯攻中桑馬達更多。今季在基爾獲加轉投曼城後,捷比亞跟新加盟的奧里亞輪流任正選右閘。
不過,熱刺陣中有另一位後衛的助攻數據更強,就是已上陣31場貢獻了6次助攻的左閘賓戴維斯;至於今季英超後衛助攻王,就是韋斯咸左閘艾朗卡斯威爾,上陣34場有7次。