【now.com體育】天寒地凍要落場比賽，但又忘記留長袖波衫，如何是好？羅馬尼亞一支球隊就發揮小宇宙，剪爛波襪充當手袖保暖。
羅馬尼亞甲組聯賽升班馬史比斯（Sepsi）日前作客布加勒斯特星隊，當地氣溫為零下8度，但球隊竟然沒有帶備長袖球衣（龍門衫除外）！只有短袖球衣，一班球員比賽時如何能夠禦寒呢？
正所謂「事急馬行田」，他們就發揮創意，將多出的波襪剪成手袖，穿上雙臂來保暖。不過，未知球員們是否都「愛靚唔愛命」，從比賽片段所見，即使當時下著雪，但實際上全隊只有約半數球員有穿上這些「特別手袖」，其餘球員均以短打應戰，未知有否因而影響表現，球隊最終淨吞兩蛋，未能取分。
史比斯以上季乙組亞軍身份升班，但今季出戰甲組維持一般人腳，其中較為有名氣的只是曾效力車路士的中場菲臘比奧利華拉。球隊於常規賽26戰只得19分，在14支球隊中排第12位，要轉戰護級階段，爭取來季續留甲組。
相關片段：
http://youtu.be/2q5uR2r6DxU
