朗尼又爆廠冇用 阿仙奴5：2奪「愛」

【now.com體育】阿仙奴大戰愛華頓的比賽，雖然有朗尼再度為「拖肥」射破阿仙奴大門，但無阻攻勢凌厲的兵工廠連追5球以5:2反勝。

阿仙奴作客葛迪遜公園球場的比賽，由奧斯爾、阿歷斯山齊士兩員大將領軍，拿卡錫迪攻堅；而梅迪薩卡、蒙利爾與及施治鎮守後防。至於愛華頓則有朗尼、卡維利雲、米高堅尼正選上陣，更以3中堅的陣式迎戰兵工廠。

阿仙奴比賽初段已經全力搶攻，10分鐘內已經有數次具威脅攻勢，如3分鐘時由艾朗藍斯接應山齊士的傳送攻門，但被對方門將碧福特僅僅撲出。接下來阿歷斯山齊士、拿卡錫迪都有埋門機會，可惜皆未轉化為入球，埋下失球伏線。12分鐘伊祖沙古爾於阿仙奴半場逼甩對方球員腳下球，朗尼順勢取得控球權推進至禁區頂，一記妙射攻破施治十指關先下一城。隨後比賽維持明快節奏，尤其是阿仙奴多番攻門，惜未能將皮球放入網窩。戰至40分鐘，格列沙加於娥眉月頂一記步大力雄的遠射被碧福特撲出不遠，皮球彈向蒙利爾腳下順腳一射破網，雙方終於戰成平手入更衣室。

下半場雙方放開懷抱繼續對攻，但先得到甜頭的是阿仙奴。52分鐘，阿歷斯山齊士左路突進，一記妙傳至禁區由奧斯爾頭槌攻入，阿仙奴反超前2:1。客隊得勢不饒人繼續進攻，而偶爾有零星反擊的愛華頓於69分鐘出現一大危機，伊祖沙古爾兩黃一紅被逐離場，令「拖肥糖」取得分數的希望更為渺茫。打少一個之後，阿仙奴有拿卡錫迪、艾朗藍斯各入一球成4:1。比賽末段雖然有蒙利爾送大禮回傳失誤被奧馬尼亞斯射入空門，但之後阿歷斯山齊士在愛華頓後防線如入無人之境再下一城，於95分鐘鎖定5:2的最終戰果。