愛華頓開季6場正式比賽，入2球、失14球。
(©AFP)
【now.com體育】自從1929年12月，愛華頓未試過連續3場輸3球或以上，但作客不敵曼聯後，這紀錄已被打破。面對聯賽前列球隊加上歐霸盃賽事，愛華頓連敗4場吞下12隻光蛋。輸波唔係問題，但攻力疲弱真係弱到一個點。
撰文：CC
有球迷歸咎領隊朗奴高文排陣太過保守，亦有球迷質疑為何收起具速度的米拿拉斯及盧卡文等，更多球迷不滿總監華殊及董事局未有填補盧卡古之空缺。尤其盧卡古倒戈入波後得戚慶祝，更令球迷怒火沖天。
各個社交媒體上要求換帥聲音不絕，但個人認為開季魔鬼賽程之後，才是衡量朗奴高文最適合時間。雲加帶領阿仙奴近年鬥前6球隊成績乏善足陳，卻多數能以前4名完成球季，證明面對中下游球隊應贏則贏，衝擊前4依然有希望。
愛華頓今年花錢增加，期望自然提高，但別忘記其他前列隊伍亦有花錢擴軍，所以與其說拉近彼此距離，倒不如避免被拉開距離更實際。
周中聯賽盃迎戰新特蘭，愛華頓應有足夠能力取勝，亦可藉此一洗近期頹勢。當然愛華頓未贏過聯賽盃之餘，屢次首圈出局，何況新特蘭未必容易應付，所以今仗對愛華頓及朗奴高文同樣關鍵。
一切問題沒有即時答案，但香港時間周四凌晨2:45之役，可能會有一些端倪。
愛華頓香港球迷會 Facebook：
http://www.facebook.com/hkesc
HKESC Football Section Facebook：
http://www.facebook.com/hkescfootball