舒維爾今戰領紅出場。
(©AFP)
【now.com體育】熱刺多打一人下，憑下半場8分鐘內連入兩球，最終作客以2:0擊敗紐卡素，全取3分。
周日英超賽事，由升班馬紐卡素對熱刺。主隊方面，兩名今夏新兵科利安利祖尼和查維文基路均正選上陣；至於熱刺方面，近期新聞主角丹尼路斯不在陣中，由賓戴維斯出任其位置，倒戈的穆沙施素高亦在正選11人當中。
主隊先有前鋒杜韋加爾4分鐘禁區抽射高出，揭開大戰序幕，但1分鐘後杜密特傷出，由拿修斯入替。熱刺方面以中場基斯甸艾歷臣最為活躍，多次作出遠射，25分鐘左路禁區頂抽射高出。紐卡素整個上半場欠缺埋門，32分鐘再有科利安利祖尼傷出，由贊素梅賓巴入替。尾段艾歷臣再度施展遠射，但均被門將洛艾利洛接實，最終雙方半場打成0:0平手。
下半場紐卡素再來惡夢，隊長舒維爾侵犯迪利阿里直紅出場，47分鐘就需10人應戰。熱刺多打一人下主導比賽，先有哈利卡尼53分鐘小禁區半窩利抽射被擋出，已為主隊後防響起警號。9分鐘後熱刺終打破僵局，艾歷臣近禁區頂一記笠波至禁區，迪利阿里及時趕到一篤改變方向破網。70分鐘熱刺再有入波，幾名中場禁區頂小組短傳後，後上的賓戴維斯一抽收死門將，熱刺8分鐘內連入兩球，領先2:0。紐卡素83分鐘有基斯甸艾素左路近門接應一射中網側，錯失破蛋機會，而客隊亦有哈利卡尼補時單刀埋門射中柱，最終熱刺作客以2:0贏波，全取3分。