藝人「車車」（左）與余翠怡（右）抵埗後，無偷懶立即捕捉當地球迷訪問。
(@Now Sports)
【now.com體育】終於出發了！藝人「車車」同余翠怡這個主持組合新鮮感爆棚，今次代表埋《體育係…》去巴黎睇歐國盃，替Now TV Euro直播做賽前直撃。兩個睇波的少女揚言，要將港式睇波文化帶去法國咁話。
文：KK@體育係…
星期五落機唔夠兩個鐘，即進駐香榭麗舍大道，不用兩分鐘，即生擒威爾斯球迷。此時此刻，威爾斯球迷成街都係，等睇今晚係王子球場上演的「英倫內訌」威爾斯鬥北愛爾蘭。
見到威爾斯球迷問甚麼？當然問威爾斯要贏波靠誰。難度問支持脫歐定留歐麼。不過，這名球迷的答案都算出人意表，他竟說：「Give me hope Joe Allen!」，都算爆冷。
想來也有道理，威爾斯是少有今屆打3後衛的球隊，這陣式好處是釋放更多人手做進攻，所以威爾斯是分組賽入波最多球隊之一。缺點當然是防線少1人，這樣便要靠中場防守搭夠了，祖阿倫這名防中角色便更重要了，令威爾斯球迷也要高呼Give me hope Joe Allen!
講講兩位今次行程，她倆今晚打算去巴黎鐵塔下Fan Zone睇威爾斯對北愛爾蘭，星期一晩就會入聖但尼球場睇意大利大戰西班牙。2人更越洋傳送巴黎當地片段回港，大家要留意今晚now651台，威爾斯對北愛的賽前直擊了。