抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【Now新聞台】截至早上11時止，過去1小時內《彭博》搜尋量最多港股，依次為泡泡瑪特，老鋪黃金，信達生物，紫金礦業及友邦保險。
泡泡瑪特股價昨日(21日)突然急瀉，收市重挫8%，集團喺收市後出咗第3季營運數據，表現十分靚仔，上季整體收益飆2.5倍，其中，美洲市場收益飆逾12倍，泡泡瑪特股價今日(22日)反彈，大升近8%，收復返昨日嘅失地。展望第4季，係有多個大節日嘅銷售旺季，股價今季係咪可以回勇？
資深證券分析師彭偉新指，泡泡瑪特股價要繼續升取決於2大因素，首先要睇銷情，包括店舖顧客數量、購買量等，因為可以預示未來可唔可以維持強勁增長，雖然海外銷量標青，但喺內地可能只有一線城市嘅銷量理想。
其次要睇二手市場炒價，9月至今，泡泡瑪特產品炒價下跌，特別版產品回收價亦急跌，都會對公司股價有負面影響。不過，仍可寄望銷售旺季會利好股價。
Castor又提醒，面對炒味太濃嘅股份，一定要留意「食糊」時機，以泡泡瑪特為例，若股價上返300元水平宜先獲利。
