【A&M Diary】泰國菜係唔少人嘅comfort food，香料層次分明，令人開胃又療癒。位於太古城嘅阿叔泰麵，以每日熬足12個鐘嘅船麵起家，高度還原泰國地道風味，令阿叔泰麵深受食客們歡迎；除咗泰國街頭嘅風味，阿叔泰麵仲有多款正宗泰國菜菜式，同樣驚喜。
阿叔泰麵：Asok Six Combo
樣樣都想食又唔知點揀？由前菜、小食、湯品、主菜、甜品都有齊嘅Asok Six Combo就啱晒你！前菜嘅青木瓜沙律夠青新；酸辣醒胃嘅冬陰功蝦媽媽麵；外焦內嫩又有陣陣炭燒香味嘅炭燒豬頸肉飯；濃郁香濃嘅蛋炒咖喱蟹肉飯；成名招牌嘅船麵；仲有泰菜必食嘅芒果糯米飯呢！每款份量少少，滿足為食貪心嘅你，但每一樣都係阿叔泰麵嘅招牌菜式，實在滿足。
阿叔泰麵：香葉肉碎煎雙蛋飯
阿叔泰麵嘅香葉肉碎煎雙蛋飯有小、中，大甚至地獄辣俾你揀，完全滿足唔同難度嘅喜愛。中辣其實都算大眾口味之選，辣度同香料都有層次，重點係肉碎份量多，撈埋太陽蛋同白飯，真係好好味呢！
