抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
🎥立即睇片重溫當日活動花絮！
【有片🎥 Now.com與校同行 攜手科探】Now.com與滬江小學喺早前 (12月20日) 攜手舉辦咗一連兩場精采活動，包括《Now.com x 滬江小學「滬江STEAM小先鋒」互動講座》、「有趣STEM落斜大熊貓親子工作坊」，吸引咗過百對親子報名參加。由星級導師STEM Sir (鄧文瀚) 到場講Talk，藉著動物科普，引導小朋友啟發科學潛能，並透過親子比賽讓參賽者從遊戲中領略伯努利定律及康達效應嘅科學原理。STEM Sir仲提及到科學家具備嘅8大性格特質，鼓勵家長喺日常生活中發掘及培養孩子嘅科學精神，現場嘅親子都聽得好投入。
互動講座除咗有星級導師STEM Sir，仲有「滬江STEAM小先鋒」之一嘅李元元同學做客串小主持。
STEM Sir 教大家如何用一口氣吹脹超長膠袋。
親子從一口氣吹脹超長膠袋遊戲中，認識何謂伯努利定律。
STEM Sir走到台下與親子近距離互動，即場考驗同學仔嘅STEAM知識。
兩組親子一齊合作吹氣球及製成氣球圈，原來都係實驗之一。
用吹風機令到氣球圈喺空中旋轉，認識康達效應嘅科學原理。
比賽過後，每組親子都得到Now TV「STEM學習組合」2個月通行證呢份小禮物。
親子「動手做」玩具，激發科學好奇心
滬江小學樂凱欣校長亦十分讚賞STEAM親子工作坊帶嚟嘅學習體驗，喺親子「動手做」大熊貓玩具過程中，能夠激發大家對科學嘅好奇心，亦有助提升親子間嘅合作性，帶來開心嘅互動時光。當日出席活動嘅小朋友，都係準備喺今年9月升讀小一嘅學生，正好畀佢哋率先體驗將來成為滬江小學一份子時，能夠從多方面探索科學奧秘。
STEM Sir教親子合作做大熊貓玩具。
工作坊有助提升親子間嘅合作及互動性。
一家人齊齊動手做玩具，感覺特別溫馨。
媽媽從旁指導，讓囝囝體驗動手做嘅樂趣。
大功告成！爸爸即時示範大熊貓如何落斜。
喺課室內嘅親子，透過禮堂直播嘅畫面，都能輕易完成製作大熊貓玩具。
「滬江STEAM小先鋒」正式啟動
滬江小學由2025-26學年開始啟動「滬江STEAM小先鋒」計劃，致力為學生提供優質嘅STEAM教育，從多方面創新教學模式，激發學生自主探索，以提升對於科學科嘅興趣。滬江小學亦係全港首間小學與Now.com合作，透過「Now.com與校同行 攜手科探」一同推動STEAM學習，為孩子創造更多學習可能！
《Now.com x 滬江小學「滬江STEAM小先鋒」互動講座》結束後，來一張開心大合照！
齊齊體驗完「有趣STEM落斜大熊貓親子工作坊」，都對大熊貓玩具愛不釋手。
#Now.com #與校同行攜手科探 #滬江小學 #STEAM教育 #科學探索 #小學科學科 #STEMSir鄧文瀚 #KK關珮姿 #互動式講座 #親子工作坊 #動手做實驗 #NowTVSTEM奬勵計劃
