【A&M Diary】牛舌近年受唔少人追捧，厚切牛舌嘅口感，薄切牛舌嘅彈牙，你又鍾意邊款多啲呢？想了解你係牛舌芯、牛舌尖定牛舌筋嘅人，一齊去尖沙咀嘅燒肉實驗室，讓一趟味覺嘅實驗，了解你同牛舌嘅關係啦！
鐵板香蔥薄燒牛舌芯配滿溢牛舌筋溫泉蛋丼
鐵板套餐的醬汁可以選擇黑椒汁或洋蔥汁，其中香濃惹味嘅黑椒汁就最深得我心！用香蔥微煎嘅牛舌芯，喺濃郁嘅黑椒汁下，帶有淡淡香甜嘅洋蔥味，充滿層次。亦可以將牛舌芯包住嚟吃，用另一個實驗試吓邊款啱你食。
咖喱雙層手打牛舌漢堡扒蛋包飯配薯條
除咗鐵板，仲可以揀日式咖喱。咖喱味道濃郁而帶有淡淡的甜香，非常惹味。少見嘅牛舌漢堡扒鮮嫩多汁，牛香味撲鼻。仲可以因應食量增加漢堡至四層，絕對係大胃王嘅實驗呀！
