【A&M Diary】佐敦出名多野食，選擇多而且價錢唔貴，絕對係九龍區嘅抵食天堂！區內雖然以港式本地餐廳為主，但其實都有唔少菜式，當中嘅七福神和食亭就係日本菜嘅代表之一。講到七福神和食亭最吸引嘅地方，就係餐牌非常多元化，壽司、刺身、串燒、炸物、丼飯、鍋物等，絕對係一間綜合性嘅日本餐廳。
刺身盛盒
盛盒份量十足，夠晒抵食！活赤背即叫即劏，口感脆嫩，鮮甜十足；三文魚嘅油脂豐富，味道香濃，入口滿足；帶子肉質充滿口感，非常鮮甜；中拖羅油脂豐富，無筋嘅拖羅，接近入口即化；北寄貝爽口彈牙，夠晒新鮮；炙燒後嘅左口魚，將油香迫出，接近入口即熔，非常滿足。
炸墨魚嘴
即叫即炸嘅墨魚嘴，鹹香十足，充滿口感。
炸雞軟骨
雞軟骨脆香可口，配搭特製醬料，令味道層次大大提升。
