【A&M Diary】唔少人初次接觸牛舌或多或少都會有種抗拒，但當嘗試過之後，就會被牛舌嘅口感同味道而深深吸引。如果你同我一樣，喺不知不覺間成為咗牛舌控，就不要錯過位於深水埗嘅GYU TOWN 牛舌專門店。顧名思義，餐廳主打牛舌，牛舌尖、牛舌根、牛舌芯等唔同部位，真係好味到同牛舌深深一吻來代替講話，成為牛舌愛好者嘅天堂。
香蔥薄燒牛舌芯
牛舌芯燒得啱啱好，微微焦香，鎖住肉汁；上面仲鋪晒炸蒜同香蔥，令牛舌味道更具層次更惹味！
厚切牛舌芯
兩大條牛舌芯，份量十足，作為牛舌控實在感到非常滿足。牛舌先由大廚煮到三成熟，再經上枱嘅鐵板燒到五至八成熟，生熟程度啱啱好，而且牛舌中間部份仲好嫩滑，肉汁豐富。
