【A&M Diary】好多人都鍾意食川菜，除咗喜愛佢嘅辛辣刺激感，更愛川菜味道嘅層次度，先香再麻而辣後辛，讓你體驗層層遞進嘅官感。食川菜當然要搵間正宗嘅餐廳，推介位於西環嘅川之源，餐廳由正宗川菜師傅主理，出品絕對有保證，讓你辣得深層次。
夫妻肺片
川之源嘅夫妻肺片用左牛肚、牛舌同牛腱作為主要食材：牛肚入口有嚼勁、牛舌薄切但不失牛味。雖然只係前菜，但當拌勻醬汁之後，辛香四溢，係開胃菜一流之選。
泡椒嫩牛肉
當泡椒同紅椒相遇，辣味均勻走到每一角落。牛肉肉質嫩滑，肉味香濃，加上炒泡椒嘅醬汁，非常香濃，辣味後勁凌厲。
