【A&M Diary】越南菜近年成為我哋喜愛菜式嘅第三位，緊接日本菜同韓國菜。香港嘅越南餐廳選擇越嚟越多，唔通大家都同我哋一樣，越南越愛？近年越開越多分店嘅河內越式料理，早就聽聞餐廳質素唔錯，抵食又好味，今日我哋終於嚟到全新嘅油麻地分店，為悶熱嘅天氣，帶嚟一絲清新感覺。
河內小食拼盤
呢個小食拼盤真係充滿越南風味呀！除咗香茅雞翼之外，仲有充滿越南風味嘅扎肉、春卷、手打蝦餅同鮮蝦米紙卷，好豐富又可以同朋友開心share呀！我嘅最愛係鮮蝦卷同鮮蝦米子卷，蝦肉非常新鮮彈牙；而春卷亦充滿紮實嘅食材，包括粉絲、蘿蔔絲、木耳絲同埋芋頭蓉，口感十足！
濱海拼香茅豬扒
濱河係越南嘅特色，其實佢係一餅米粉，而米粉嘅上面會灑上乾蔥同蔥碎，加上今次嘅配料：香茅豬扒，夾埋生菜一齊食，食之前仲可以加少少魚露上去，令味道更加有層次，酸酸甜甜十分開胃。
