【A&M Diary】由細細個開始，我就好鍾意去Food Court食飯，因為選擇多，心大心細，樣樣都想食嘅新奇興奮感；到大個之後，可能成班朋友想食嘅嘢都唔同，Food Court亦能滿足大家嘅需要。直到近年，Food Court除咗選擇多，亦開始對重視餐廳嘅質素，引入唔少星級品牌。重新登場嘅奧海城Food Republic，提供中、日、韓、泰、港式等13間餐廳，其中兩間更榮獲<米芝蓮>推介呢！即睇以下必食推介啦！
奧海城Food Republic全新設計元素
Food Republic為亞洲最大連鎖式嘅美食廣場品牌之一，除咗多樣化嘅美食選擇，室內裝修以極具心思。奧海城Food Republic以City Garden為主題，放有大量嘅花草植物陳設，讓空間加添和諧舒適感。如果天氣好，推介到用餐區最深處嘅戶外區，可以遠眺維多利亞港嘅海景，夠晒Chill。
奧海城Food Republic | 1. 老祖食堂
老祖食堂源自於西關，以西關美食古法技藝作為基礎，並於2023-2024連續兩年榮獲<米芝蓮>必比登推介。老祖食堂大膽選用西班牙杜洛克豬肉提煉出香口惹味的豬油渣，將失傳嘅西關瀨粉、炸粽等昔日老廣州粵式風味重現。
奧海城Food Republic | 2. 台蔡滷肉飯
榮獲2024<米芝蓮>推介嘅台蔡滷肉飯，由台灣土生土長嘅廚師主理，並以每日平均售出300碗嘅滷肉飯打響名堂！除咗滷肉飯，當然唔少得鹽酥雞、藥膳排骨湯、花雕麻油雞湯等地道台灣美食啦！
奧海城Food Republic | 3. 土司工坊
每次行過土司工坊，聞到佢嘅手拉南洋咖啡、肉骨茶香味，都會忍唔住架！另外，土司工坊嘅新鮮烤製土司、星洲叻沙同樣出色，令人回味無窮。
奧海城Food Republic | 4. 沖繩二段料理
沖繩著名品牌Antoshimo登陸香港後，採用「二段料理」方法，將食物快速蒸透，以減少食物流失其味道。餐廳以土鍋保持食物溫度，招牌蒸飯、烏冬及沖繩雪糕冬甩，係最完美嘅組合。
奧海城Food Republic | 5. 八彩銅鍋米線
八彩銅鍋米線以特製大銅鍋熬製所湯，讓雞湯內含對人體有益嘅微量銅元素，更可以令湯底溫度保持於攝氏200度或以上。所湯味香濃郁，極具層次，加入米線及自選配料，成為一碗鮮甜嘅米線。
