【Now.com】首階段管制即棄塑膠產品實施後，日本連鎖超市Don Don Donki立即響應「走塑」政策，改以紙盒包裝堂食的壽司刺身，遭網民揶揄為「盲盒壽司」。有店家隨即食正熱潮推出「真．盲盒壽司」，搏市民一笑，更明言盲盒壽司「真係會有伏㗎」。
Photo／Facebook @千之味刺身壽司專門店
千之味刺身壽司專門店昨天（24日）在社交平台宣布推出98元內含10件未知壽司的「真．盲盒壽司」，指：「盒內保持住一種神秘嘅感 就算送到你手上…唔到開嗰一刻你都唔知自己今晚食乜 可能係全球獨有嘅」，更在話題標記寫上：「#如果係白飯10件會點」、「#召喚勇士們來挑戰」。
Photo／Facebook @千之味刺身壽司專門店
Photo／Facebook @千之味刺身壽司專門店
結果隨即有市民下單訂購盲盒壽司，令店家都不禁留言說：「原來真係有咁多人同我一齊顛（癲）」，表示顧客們都十分「玩得」。店家上載了數張「有伏」的盲盒壽司，當中包含了沒有配上刺身的「飯粒壽司」、滿載芥末醬的「辣辣壽司」。
Photo／Facebook @千之味刺身壽司專門店
不少網民表示欣賞店家懂得以正面思維面對負面情況，又大讚店家的創意：「出色！打開嗰吓好有驚喜」、「白飯系列笑死，真係可唔可以影一張係最多白飯果盒」、「盲盒系列可唔可以持續 因為選擇困難症嘅客超級需要呢d（啲）組合」。又有網民留言提議多款「伏」壽司：「我要可樂糖軍艦」、「 仲諗住有機會見到啫喱糖壽司」。
Photo／Facebook @千之味刺身壽司專門店
除了與顧客搞笑互動外，店家都不忘重申盲盒壽司並非以紙盒底部直接擺放壽司，而是會先用膠盤放好壽司再以紙盒封起，避免濕氣令紙盒吸水後滋生細菌。同時亦指盲盒壽司每日限量20個，以及「應該玩幾日就算」，預計不會成為固定商品。
