【A&M Diary】貴唔緊要，最緊要係值得！位於九龍城嘅方榮記沙嗲牛肉專家係香港沙嗲牛肉麵關注組其中一間被網友大力推薦嘅餐廳，但我哋試過之後，覺得實在係過分吹捧，CP值唔高，確實唔值呢個價錢。
服務態度
一入到餐廳，櫈都未坐，餐牌都未睇，個女店員就即刻問我哋食乜，眼見成間餐廳都坐唔夠一半，使唔使咁chur呀？好彩有另一個男店員同個女店員講，俾啲時間人哋啦！再好有禮貌咁同我哋講，慢慢睇吓想食乜。
沙嗲牛肉麵
無可否認，嗰沙嗲湯底確實係濃郁，仲有好多花生碎添，但其實係非常之鹹，超多味精，真係完全唔可以飲個湯。至於手切牛肉份量少，得4塊，而且非常硬，另外，因為沙嗲湯太鹹，完全食唔到有牛味。
