【A&M Diary】由店名嘅Ohayo，就知道係一間走日系風格嘅餐廳。Ohayo位於海港城，店內以木為主調，加上海景，絕對係走和風小清新文青風格。餐廳以日式洋食作主打，真係relax又夠chill！
特濃豬骨湯豚肉烏冬配手作厚切腩片
午餐有多款鹹食嘅選擇，配上餐湯或沙律作前菜。至於主菜我就揀咗特濃豬骨湯豚肉烏冬配手作厚切腩片，特別一讚個手作厚切腩片，肉質厚實但一啲都唔韌，肉味濃郁，加上半肥瘦，口感同味道都充滿層次。
鑊仔焦糖金寶雪山熱香餅
講到日式甜品，當然離不開熱香餅同窩夫。Ohaya有多款創意選擇，部份更加係限量供應。我哋就揀咗鑊仔焦糖金寶雪山熱香餅，鑊仔熱辣辣，令焦糖喺半熔狀態下加多點焦香味！至於熱香餅屬於厚身嘅空氣質感，非常軟綿，充滿幸福感。
