【A&M Diary】四大天王年代唔知你鍾意歌神學友、影帝華仔、靚仔黎明定舞王城城呢？我M佬就係聽四大天王成長，所以我讀中學時候，我哋4個男仔，竟然……竟然……自稱四大天王，今日約咗佢哋去到大圍嘅風車食西餐，講番呢件事真係好好笑。
西班牙脆皮乳豬
中式嘅乳豬全體就食得多喇，但西班牙燒乳豬扒都係第一次！塊脆皮一切落去卜卜聲，好透薄好香脆，最重要唔會好肥膩。配上香中帶辣嘅彩椒汁，層次大大提升。脆薯角都一樣脆口，薯味香濃。
香煎鵝肝
鵝肝唔算大份，但鵝油香濃，滿足感十分！配上香脆蒜蓉包消卻晒油膩感。
西班牙式燒春雞
燒春雞一切落去，啲雞汁就爆出嚟！雞皮燒得惹味，而肉質好嫩滑好juicy，雞胸都唔會好嚡口。配上秘製醬汁，胃口大大提升。
黑毛豬豬扒
呢塊豬扒成吋厚，但一啲都唔靭，肉質軟腍仲帶有炭燒味，豬肉味好香，係我M佬嘅推介。
