【A&M Diary】有時見到一間好靚嘅餐廳，會讓視覺帶領我哋嘅味覺；又有啲餐廳，性價比高又抵食，就讓感覺帶領我哋嘅味覺。今日喺佐敦，明明已經行過咗，但因為被香濃嘅牛骨肉味深深吸引住，所以讓嗅覺帶領我哋嘅味覺，嚟到山水清湯腩，讓香味同味道為身體麻醉。
酒味醉雞
雖然山水清湯腩主打嘅當然係清湯腩，但小食就揀咗餐廳嘅另一名物：酒味醉雞。醉雞皮光肉嫩，花雕味香而不苦，反而略帶象甜味，非常清新。
清湯牛三寶河
山水清湯腩主打清湯腩，就梗係要叫磅牛三寶，一次過試勻牛腩、牛筋同牛肚）啦。湯底用上牛腩同牛骨，加上自家配方，熬製多個小時而成，所以湯底帶有濃香卻清甜嘅牛肉味。牛腩用上爽腩，連接住筋膜同脂肪，味道濃酥，口感軟腍；牛筋則充滿膠質，食落口感煙韌；牛肚則用上金錢肚，入口彈牙而不失牛味。
