【Now.com】WhatsApp宣布，用戶即日起可以修改已經發送嘅訊息，不過要留意，修改訊息有時間限制，所以知錯要及時，改正不能遲。
從前用WhatsApp send訊息發現有錯，只有兩個方法處理，一係當無嘢由佢，一係直接delete，重新send過正確版本，依家終於有辦法原文改正。
傳送15分鐘內有效
WhatsApp只容許用戶喺訊息發送15分鐘內作出修改，視乎大家所用WhatsApp嘅語言版本，經過編輯嘅訊息會出現「Edited」或「已編輯」等字樣，協助收件者識別訊息曾經被編輯修改。
用戶如果想修改已發送訊息內容，只要長按已傳送嘅訊息，然後選擇Edit或編輯就可以開始修改。
顯示「Edited」字樣
WhatsApp強調訊息無論係咪曾經被編輯，都會受到點對點加密技術保護，同其他個人訊息、多媒體和通話一樣。呢個新功能即日起向全球用戶推出，未來幾星期就會全面生效。
圖片及資料來源：
