【A&M Diary】修咸頓距離倫敦約1小時15分鐘火車車程，所以修咸頓成為其中一個倫敦近郊好去處！而嚟到修咸頓，絕對唔可以錯過嘅，當然係港式茶餐廳啦！九龍冰室位於修咸頓市中心，店內設計雖然簡單，但一幅幅香港嘅相片、連儂牆同光時口號，就知道餐廳由真香港人打理，味道一定有香港情懷。
炸雞脾飯
雞脾大大隻，仲要係即叫即炸，雞皮非常脆口而肉質嫩滑。醬汁可以揀豉油汁或茄汁，我就覺得豉油汁係最夾喇！
乾炒牛河
作為港式茶餐廳，又點少得乾炒牛河呢？呢度嘅乾炒牛河大大碟，牛肉同河粉嘅份量都十足，非常抵食！牛肉軟腍又入味，河粉又夠鑊氣，完全無點過辣醬，食返餐廳嘅原汁原味。
凍檸茶
