【A&M Diary】要數近期一個易行又可以打卡嘅郊遊路線又點少得流水響水塘呢？流水響水塘湖面會倒影藍天白雲，所以有「天空之鏡」嘅美譽，加上秋冬季節仲有落羽松，所以景色好靚，打卡一流，有唔少人去完之後更稱流水響水塘為港版輕井澤。而重點當然係全程平路，輕鬆易行！
流水響2023 | 提提你
1. 起點有洗手間，非常方便；不過，沿路無任何士多或補給站，所以記住帶備足夠嘅飲用水前往
2. 大家記住保持環境清潔，自己垃圾自己帶走，絕對唔可以破壞大自然環境
3. 以入口處嘅洗手間為起點，行到落羽松後沿路往返，只需要30分鐘，難道唔高，但都要量力以為呀
流水響2023 | 前往方法
1. 喺粉嶺火車站坐52B小巴，喺流水響道 / 鶴藪道迴旋處落車，再沿馬路行入去流水響水塘
2. 如果自駕遊可以直接揸車去到流水響郊遊區門口，不過，成日會有人炒牌架
流水響2023 | 起點
流水響2023 | 喺迴旋處落車，沿馬路行入去流水響水塘，係全程叫咗最斜同最辛苦嘅路段。去到流水響水塘嘅入口處就會見到洗手間，旁邊有個小水壩觀景台，可以望晒整個流水響水塘。如果水塘無風，水面平靜就會影到天空之鏡喇！
流水響2023 | 流水響水塘
流水響2023 | 之後靠洗手間嘅左邊行，行大概10分鐘，就會途經流水橋，再行5分鐘就會去到落羽松位置。其實流水響水塘位於八仙嶺郊野公園內，建於二戰後，目的係為附近農地提供水源，依家就主要將水源收集，再經輸水隧道供應至船灣淡水湖。流水響水塘同時亦係灌溉水塘，水塘面積3.5公頃，容量約17萬立方米，所以水庫規模較小。
