日本增強版益力多「Yakult 1000」掀搶購潮　官網缺貨現炒價

「你今日飲左未呀？」聽到呢句廣告對白，一定會諗起活性乳酸菌飲品益力多（Yakult）。細細支嘅益力多（Yakult）酸酸甜甜，含益生菌有助腸道健康，一直深受大人細路喜愛。最近日本益力多新產品「益力多1000 （Yakult 1000）」竟然喺當地引起搶購潮，仲出現黃牛炒價，究竟因乜咁受歡迎？

Photo／Yakult

據日媒報道，「益力多1000」去年4月開始喺日本全國發售。官網介紹指「益力多1000」乳酸菌含量多達1000億，比原版益力多10倍，除咗改善腸胃，仲有舒緩壓力、提升睡眠質素等功效。呢款增強版益力多推出後廣受好評，最近更被日本網民熱捧，由於太多人搶購，唔少店鋪出現缺貨，連益力多官網都要暫停接受網上訂單。