抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
今年聖誕仍然要喺疫情中渡過，大家繼續留港慶祝，不過香港情況算平穩，至少可以出街睇燈飾食大餐，或者約埋家人朋友開PARTY交換禮物，所以唔少朋友都有興致佈置吓屋企。
講到佈置，掛滿裝飾同放晒禮物嘅聖誕樹當然最有氣氛，但香港地又有幾多屋企有位放大大棵聖誕樹呢？小編幫緊你幫緊你！最近去咗長洲一間咖啡店，跟老闆學咗DIY聖誕盆栽裝飾，有聖誕氣氛之餘，空氣都清新啲。
聖誕工作坊今次教大家用鹿角蕨DIY裝飾，咩係鹿角蕨？佢係蕨類植物，主要生長喺熱帶或亞熱帶地區，聽個名都知佢生得似鹿角，形態好特別，用嚟整佈置絕對GOOD FIT！重點係佢適應力好強，細小輕便易打理，連大懵小編都有信心可以照顧到佢。
鹿角蕨聖誕擺設製作好易，三個步驟就整好，小編都搞得掂，大家無理由整唔好，唔信？即刻睇片學嘢！
步驟1：先用筲箕把水苔固定成型
步驟2：在水苔的四邊鑽入螺絲
步驟3：最後用魚絲將水苔與螺絲綁好
固定後的鹿角蕨可垂直擺放，在佈置家居時可節省更多空間
老闆畀咗啲小貼士，建議大家揀銀鹿（鹿角蕨品種）整裝飾，因為佢大棵啲之後會分叉，分叉出嚟啲葉好似鹿角，更有聖誕氣氛。另外，二叉、亞猴、圓盾都係分叉較多嘅品種，都可以用嚟做聖誕裝飾。
至於保養方面，鹿角蕨唔需要曬太多太陽，但就要放喺通風地方，亦唔需要經常淋水，係咪好易照顧呢？大家不妨趕尾班車，整嚟交換禮物都得！小編喺度祝大家聖誕快樂，2022事事順利身體健康，疫症快快消退！
鳴謝
咖啡店創辦人Charlie Wong
鹿角蕨工作坊
場地：OXY Cheung Chau
地址：長洲東灣路 2 號地下
需要預約，製作過程約一小時
Text: Ziv Y
Photo: Ziv Y, Elise W
Video: Ziv Y
