【A&M Diary】喺疫情期間，唔少人嘅生活習慣都改變咗好多，特別係大家都習慣留喺香港，放假嘅活動主要都係行山、戶外運動、甚至係Staycation。「飛」好似好遙遠，唔知你仲記唔記得飛嘅感覺係點呢？今日A姐M佬就參加咗SDM爵士芭蕾舞學院主辦嘅慈善Flycation舞動航班，航班由HK Express提供服務。讓我哋重拾飛行感覺嘅同時，仲可以喺高空三萬呎欣賞小朋友嘅舞蹈表演。
香港國際機場
實在好耐無嚟過香港國際機場，從前嘅人山人海，依家都變得非常冷清，直至我哋嚟到香港國際機場嘅H區登機櫃台，好似再次感受到出國旅遊嘅喜悅及期待。今次嘅SDM爵士芭蕾舞學院Flycation航班雖然10點起飛，但因應特別嘅出入境安排，我哋喺7點半就嚟到機場，辦理check-in手續，領取2年內唯一一張嘅登機證！
