【A&M Diary】A姐嘅少女心又爆發喇！話說，佢哋一共6個姊妹，因為受疫情嘅4人限聚令影響，已經好耐無見，所以就喺銅鑼灣嘅La Famille買咗個蛋糕，喺我屋企自製high tea，相信今日又會有講不完嘅話題。難得佢哋請我食件蛋糕，我都識做嘅，食完我就入房自閉啦！
盛莓藍蝶
La Famille一向主打日系戚風蛋糕，用上日本麵粉、砂糖同北海道忌廉整成。盛梅藍蝶除咗以上嘅蛋糕材料，仲用上蝶豆花同紫羅蘭花製成蛋糕嘅外觀顏色，啱晒班少女們打卡啦！顧名思義，盛莓藍蝶就係以莓為主題，所以蛋糕面舖滿藍莓、士多啤梨、蔓越莓同紅桑子，食落夠晒軟熟，仲帶有淡淡嘅莓香味，好清新又唔膩。
