抱歉，我們並不支援你正使用的瀏覽器。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
廣告
【裝修佬】點樣高效提升裝修性價比？裝修專家Simon教你五大慳工慳料之道。
裝修慳錢有咩計？偷工同慳工又有咩分別？無講明、事後有手尾就叫偷工減料，有講明、事後無手尾就叫慳工慳料！
慳工：指師傅施工及判頭服務
慳料：指建材選擇及消耗量
Q1: 地板唔拆就咁鋪上去，可以嗎？
一般無問題，要注意地板是否平順、實淨、會否造成廳房高低級、影響開關門、或腳線遮左一半等問題。
Q2: 牆身磚又可以嗎？
廚房可以考慮，記得用薄磚，廁所一般情況下就唔建議啦。因要打花磚面，廁所有防水層，同埋磚上鋪磚會縮減空間─企缸細左都好覺架！
Q3: 服務又可以點慳？
很多人不知道，屢次要求停工驗收、大量更改圖紙、揀料三心兩意、不斷要求更新報價，都係好大嘅工程成本。師傅得24小時，你慳到服務，佢可以將時間心機放番入工程；相反「chur」得太盡，成本或代價亦會直接間接去番你度。
Q4: 揀料又點樣慳？
首先你要知有呢隻料。有人用磚造特色牆，花費一萬；有人用膠板去做、慳番3成；有人用藝術顏料DIY，慳6成；有師傅識自己溝特色料效果、慳9成。
Q5: 點樣可以用少啲料而無手尾呢？
在非見光位就不要用貴價物料啦！用平料或只做簡單保護。包括：櫃後牆、假天花、傢俬底等等。
想慳工慳料，其實仲有好多方法！繼續留意這個系列啦！
如有查詢，可找「裝修中伏大全」版主Simon。
