【裝修佬】淨係面層用靚料，可以嗎？
其實未必唔得 ，真係要睇下咩情況。
常有戶主問，合約指明用兒童漆，但在施工現場，發現師傅只係起面層用兒童漆，底層就用平價漆。
師傅解釋：抗汙防菌，最後一層塗刷兒童漆咪得囉！反正都係要面層既防護膜之嘛！下面就用番師傅用慣既油漆，容易做，又有咩問題呢？
其實大有問題架。Simon Sir 跟你從五大方面分析：
(1) 遮蓋力─兒童漆的級別一般都較高，如果底層是其他漆油，最終戶主認為遮蓋力不足，是否師傅會負責補做工料的額外成本呢？
(2) 附著力─無人知道兩層漆的附著效果如何，但不同塗料的收縮張力不同，長久下去有沒有問題，無人知道，徒增風險。
(3) 抗污力─漆膜是很薄的，原本油兩層變為一層，當表層被磨穿，防污就無從談起啦！
(4) 抗菌力─也是一樣，菌穿破表面後就無用了。
(5) 抗甲醛─兒童漆的竹炭配方用來捕捉甲醛VOC，並再以除醛科技消除，其功效與漆量是有關的。其他次等的漆油，不見得有兒童漆近乎零的VOC水平，亦會加重兒童漆除醛的負擔，又點會沒分別呢！以為兒童漆的漆膜可以封住甲醛？
少年，你太年輕啦！
有更多問題，歡迎聯絡「裝修中伏大全」專頁。
