為達至最佳瀏覽效果，請更新至最新的瀏覽器版本。
如有問題，歡迎電郵至 pccwmediaiapps@pccw.com 查詢。
【now.com生活】潮流真係好難捉摸，你估唔到高腰褲、東菇頭、魚網絲襪又興番。最估唔到嘅係，連又燒錢又麻煩既菲林相機都可以返生。無可否認，菲林係有陣vintage「除」，點P都P唔到出嚟，因此深得偽文青嘅愛戴。今次手殘小編就教大家，點樣可以第一次影菲林相都唔失手啦！
1.) 點揀菲林機？
菲林相機有好多種，單雙鏡反光、旁軸測距、估焦、半格、針孔等等。新手如果想試玩菲林，但又無咩攝影知識嘅話，就可以平平地買部Point-and-shoot，即係傻瓜相機嚟玩下先！
傻瓜機除咗價錢相宜之外，裝菲林亦唔需要咩技巧，好似呢部菲林界嘅長青樹，被譽為最聰明的傻瓜機- Olympus mju II就非常簡單容易啦。
建議新手裝菲林嘅時候，可以上網跟住教學片嚟做，一般大牌子嘅菲林機，都可以係網上搵到教學短片
如果你都係嫌麻煩、怕手殘嘅話，就可以考慮下呢部Lomography Simple Use菲林機，部機現成裝好埋菲林，即開即用！
2.) 點揀菲林？
而家市面上仲可以搵到嘅菲林種類，較common嘅有 135、120同埋110等等。小編建議新手可以先用35 x 24mm全片幅嘅135 菲林，一筒 135 菲林，最多可以影到36張相，價錢又平，最抵玩，岩晒新手練習啦！
3.)留意菲林ISO
有別於數碼相機，菲林嘅ISO係固定無得改。ISO愈高，菲林嘅感光度就愈強。
所以如果你揀咗 ISO 100嘅菲林，就需要用較多光線或者較長時間先做到正常曝光，如果第一次影相怕曝光不足嘅話，建議你揀日間戶外影相就最穩陣，如果真係要喺室內或者低光環境下影相，就記住開閃光燈啦！
其實所有菲林都具有一定嘅曝光寬容度。即係會有一個曝光「安全範圍」，曝光稍微不足或過度，都唔使驚，最緊要係多多練習，摸熟之後，你就會發現菲林其實好好玩，甚至比起數碼相機更加千變萬化添！
而家Lomography送出2部Simple Use 菲林機比大家，想玩嘅朋友就去我地now.com娛樂生活嘅Facebook page到答問題啦！
