（網上圖片）
【now.com】睇電影有好多方法，除了去電影院、安坐家中睇電視，其實還可以去汽車影院安坐於車廂睇！ 汽車影院在外國比較流行，香港於2007年其實都有過營運只有一年的「維港巨幕」汽車影院。當日未去體驗過的朋友又唔需要感到可惜，因為將有商場開Pop-up汽車影院，期間限定只播兩日。
將軍澳南PopWalk天晉滙一期將在開幕首兩日（8月28及29日）設立汽車影院，分別開放25及40個私家車車位，當中有15個名額會分配予非駕駛人士乘坐大會的開篷巴士。場內會提供免費飲品，不過影片就無得揀，會放映卡通片《電影版妖怪手錶－誕生的秘密喵！》。即日起於商場以電子貨幣消費滿$300，就可換領戶外汽車影院入場證一張，8月生日的壽星就消費滿$200即可換領一張。
