【now.com】昨日now.com介紹了麥當勞配合《功夫熊貓》推出的主題套餐，當中最令人期待的都可算係「脆脆珍寶黑椒漢堡」，一包四塊黑椒醬牛肉，再加上脆卜卜的香辣nacho，諗起都飽，令人好想挑戰！now.com為食編輯小隊今日lunchtime特意自費購入，睇睇理想與現實的分別！
齊齊換上《功夫熊貓》裝。
編輯們當然揀「脆脆珍寶黑椒漢堡」大佬打！
補充一句，今次跟餐加四蚊會有Shake Shake薯條調味粉，和風紫菜同BBQ蜜糖任君選擇。入正題，脆脆珍寶黑椒漢堡實物比想像中細，賣相比廣告亦差好遠。第一步當然要搵賣點nacho……咦，唔見？以為自己買錯兩個雙層芝士孖堡，再多手掀開包面才見到兩塊nacho，nacho份量略嫌孤寒。之後就試味喇！食落未有脆脆感覺，因為芝士及熱氣已令nacho變淋，口感不太好。不過整個包都好有nacho味，甚至有少少奪走黑椒味的感覺。
打開有少少嚇親，讚嘅係真心夠多芝士。
打開只見兩塊nacho，廣告圖起碼有六塊㗎……
中間塊包都淋晒。
三位小編親身試，唔係個個可以成個包食到。
如果大家係為nacho味而買就非常推介，但如果為飽就建議仿效網友，買兩個黑椒漢堡自創帝皇黑椒漢堡喇！
網民好有心自製的帝皇黑椒漢堡。（網上圖片）
