【now.com】夏日炎炎，行出街都已經好熱，行多兩步都已汗流滿面，但留在家中又會悶爆。不如就約班朋友玩場室內War Game，刺激得來又不會玩到成身汗。最近銅鑼灣有間新開的室內War Game場，以鐳射槍做賣點，不需要怕用橡膠BB彈射到會痛，而且場內用上太空船主題，室內漆黑一片，有如科幻電影一般神秘。

這個以太空船做主題的鐳射槍對戰基地，可容納10位玩家對戰，而鐳射槍等先進裝備及系統配套均由新西蘭進口。整個黑色迷宮對戰場，場內有螢光物料，加上背心感應裝備及鐳射槍都有夜光指示，就算漆黑一片都不怕玩家隨意穿梭會發生意外。每節遊戲時間歷時15-20分鐘，每名玩家所穿的背心感應裝備共有4個感應器，只要以鐳射槍射中對方的感應器就會得分，而射中3次就會把對方完全擊下，鐳射槍亦會不能發射。不過遊戲是「無限復活」機制，能量值會自動回復，約10至12秒後裝備就會重新啟動，玩家可以繼續游走迷宮對戰。

太空對戰三部曲
第1部：拎裝備後睇片
玩家會先安排攞齊裝備，及後睇片聽清楚使用鐳射槍方法及感應器位置，之後分成小隊對戰。