【now.com】自拍後總要修修圖、瘦瘦面才敢post上網，不過韓國宜家漸漸興拉漲塊面，用App玩捏臉動作「볼꼬집」，行可愛微胖路線喎！捏臉其實係韓劇入面非常流行，Oppa好喜歡捏女主角的臉，尤其是鬥嘴及調情的時候。最近期而又紅爆嘅應該都係《來自星星的你》入面，都教授毫不留情地捏千頌伊的臉，觀眾都大嗌好可愛！
Instagram上勁多볼꼬집相！（Instagram截圖）
仲有Twitter！（Twitter截圖）
雖然沒有都教授搣我地「面豬登」，不過我地可以自己用App煉成。所需要用到的App叫「Cymera」，iOS同Android平台都能夠下載，簡單兩步就可以整到「볼꼬집」相！
其實簡單兩步，無論整「捏面」、「篤面」都可以。
第一次玩要先到Decorate按Sticker，再按左下角商店標誌。
在New Item中，可輕易找到免費的Finger Item。
一切準備就緒就可以按Beauty，再按Liquify。
TIPS！記得係下面條Bar拉細啲個數值，個效果先靚。
按番Decorate、Sticker再加上「OK」手勢符號，「볼꼬집」相就完成喇！
