【Now新聞台】西班牙甲組足球聯賽,西維爾擊敗卡迪斯守於第二位,主場的維拉利爾則以5比0大勝榜尾的利雲特。
迪亞接應卓古斯的傳中頂入,8分鐘維拉利爾領先。5分鐘後角球,輪到尾柱後上的柏奧托利斯接應前柱頭槌跣後的伊保拉,左腳射入成2比0。加上謝拉特摩蘭奴拐向中路,左腳地波射入,半場時間維拉利爾三球優勢。
連同歐聯和西班牙盃,維拉利爾歇冬前五場賽事全部勝出兼且攻入20球。查基路斯74分鐘射成4比0。
今季聯賽還未贏過的利雲特,5分鐘後又走漏耶利美賓奴,地波傳中給謝拉特摩蘭奴,射入他今場第二個入球。結果維拉利爾大勝5比0,延續近期強勢。
作客的畢爾包則反勝奧沙辛拿,傑基5分鐘的頭槌,為奧沙辛拿取得優勢。
這邊的畢爾包歇冬前10場聯賽只贏過一次,但今場有辛錫爆發16分鐘頂入頭槌之後,去到25分鐘,接應迪馬高斯的傳中又入,為畢爾包反超前。這位21歲西班牙中場,換邊後更連中三元,令到畢爾包的優勢拉開。
同樣作客的西維爾則小勝卡迪斯,全場唯一入球來自奧甘保斯,58分鐘窄位射入。尾段他再一次將皮球送入網,但越位在先不算。西維爾贏1比0,落後榜首的皇馬5分排第二,但踢少一場。