【Now新聞台】英格蘭超級足球聯賽，曼城主場落後一球之下，2比1反勝阿仙奴。
曾經於巴塞羅那跟隨哥迪奧拿的山齊士，面對恩師帶領的曼城，5分鐘交出妙傳，助攻給禾確特射破巴禾，為阿仙奴先開紀錄。
曼城今場有阿古路和費蘭甸奴停賽，前線攻堅的史達寧頭槌解圍一樣都頗令人擔心。
小將利萊辛尼有膽識兼有突破能力，妙傳禁區，始終未能為曼城半場追近。
但他換邊後接應大衛施華過頭妙傳，華麗轉身再射破施治十指關，為曼城47分鐘追成1比1。
迪布尼大腳轉邊，這邊接應的是史達寧，上半場浪費黃金機會，今次單對單面對蒙維爾，一個假身騙過，再起左腳射入，為曼城71分鐘反勝2比1，聯賽連贏兩場。
修咸頓作客反勝般尼茅夫，尼敦艾基的頭槌為般尼茅夫6分鐘領先。
修咸頓於14分鐘，藉貝查特左路個人表演，勁射遠柱入網，追成1比1完半場。
近兩年受傷患困擾，一度盛傳會被外借的積洛迪古斯，換邊後3分鐘射入反超前一球。
到完場前5分鐘，禁區外轉身射個精彩「窩利」，個人攻入兩球，帶領修咸頓贏3比1，取得今場勝利。
